زجلية سجين تندوف لزجال احمد الجعيبي

سجين تندوف

أنا المكفوف
يا الخوف
أنا سجين تندوف
دافن صبري
فوق قبري
والصبر مني ﯖال أوف
دارو طابورنا صفوف
ودبحـونا كيف لخروف
و لاحو الجثة بلا كفوف
فين السلام يا العالم ؟
فين التاريخ يا الألم ؟
يكتب بدمنا حروف ...
ﯖـالو خليوه تيطوف
حتى يعيا ب لوقوف
ما بقى ف الحال ما تشوف
ساكن خربة بلا دفوف
عبرو بميزان لهتوف
وباعو ليمان ب لحلوف
يا من يبشرني بالرجوع
يجي ويطلق سراحي
بحب الإنسان للإنسان
ويبقى الضمير صاحي
أنا المكفوف
يا الخوف ...
أنا سجين تندوف ...

الزجال احمد الجعيبي