امتال متنوعة

المزغوب حتى ليلة عرسو قصيرة
..............
الرزق قليل و طاحت فيه دبانة
..............
اللي تطوف ما تغزل الصوف
............
انت مير و انا مير شكون يصوك هاد لحمير
...............
للا مليحة و زادتها ترويحة
...............
لا مزيانة للمنضر لا خفيفة كتسخر
.............
انا نشكيلو بالعكر و هو كيقول لي اش خبار الدراري
............
الله يلعن كاس البلار اللي نشرب فيه المرار
...........
كل ما لعبت المعزة فقرون الجبال كتخلصو فدار الدباغ
..........
سيدي حادق و لالا احدق منو ، سيدي احسابو القديد و لالا كتقطع منو
.........
غرزة زايدة فيا و هم لعرى فايت في
........
اللي حب الخدم، لا بد يندم، لا سيفة زينة لا قلب مسلم
........
انا تنكول لحبيبي وحبيبي تايقول لحبيبو وكلامي فين مامشيت نصيبو
.........
السوق حامي والدّْلاَّلْ رامي والشاري عْوْرْ
...........
كال لو آش المعمول يا قاضي فعيشه، كال لو طلقها وانا ناخدها
..........
يجي لك يوم ياناكر خيري يوريك زماني من زمان غيري
..........
ولد ضبع غير ضبع الى سخرتو يشري لخميرة يشري شمع
.........
الي ما قدرات تكون نجمة فالسما,تكون شمعة فالدار
............
اللي اربحتيه تاكله و الدين باش تخلصو ؟
............
الهم هم لحمار .أما القط كيتسارا سبع ديار
...........
اللبن والزبدة كانو خواتات ما فرقوهم غير لعيالات
...........
اللهم النعاس في البرد ولا ضيافة القرد
...........
كون ما كانو حوايج العطار ما فالنسا ما تختار.
..........
زلقت بيه رجليه طيح الباطل على البلغة
...........
دابا كلينا وشربنا ونسينا الحرابل باش سعينا
...........
المرا إلى شافت الشيب بحال النعجة إلى شافت الذيب

تبارك الله عليك سيدتي
امتال عريقة وهادفة