السرابة في الملحون

تعد السرابة مكونا من مكونات المتن الملحوني٬ وتنشد في بداية القصيدة على إيقاع سريع شيئا ما ويكون هذا الإيقاع في غالب الأحيان كباحي وقد يكون حضاري٬ بتشديد الضاد٬ وفقط الشيوخ المتمكنون هم الذين يستهلون القصيدة بانشاد السرابة على إيقاع الكباحي لأنه إيقاع صعب ٠ وإليكم الآن نمودجين من السرابات ٬ سرابة علاش أمحبوب خاطري من نظم الشيخ الجيلالي امتيرد و سرابة فصل الربيع للشاعر المتميز دفين مكناس سيدي قدور العلمي٠
سرابة المحبوب
علاش ا محبوب خاطري تجفني .يا الجافيني و علاش الجفا
حبيتك من خاطري ولا ردتني. كاتمنيني يا شارد العفا
خالفتي فالقول باش واعدتني . ولا وصلتيني قاصيت ما كفا
قالت ناس الشعر والقوافي زين بلاتيه صورتو تعداف
... الخير صاحبو يعراف .
و الخير صاحبو يعراف
علاش يا الجافي زدتي قلبي شغوف
اللي ناوي بزيارتو يوافي ليس يردو الخوف
ما ضنيتك بالخير ما تكافي يا مسراج الحروف
خلتي عيني على الطريق شوافا . تعاين الرافة من صاحب العفو
يجمع شملي بيك ساكني يتعافى . ضر يتشافى ربي يخففو
تكبتي فعضاي نارك ازلافة . بقيت كانتفافا وعدي نصرفو
امكواني كانروج كالحوت بلا ما في معاطنو نشفو
بغرامك العضا سخفو
بغرامك العضا سخفو
دنب العشيق واعر مازال يضور بيك
ايا جافي خوفي عليك وافيني وافني و كمل المقصود
والي جواد ياك تجود
والي جواد ياك تجود
لله واش قلبك حجرة ولا حديد ولا زبرة
كليت من الجفا والهجرة خليت لايك مول .الجود
مر


سرابة فصل الربيع

فصل الربيع قبل و الوقت زيان ***و علامات الخير للورى بانــــو
جاد الزمان و ضحك ثغر السلوان ***و النكد تفاجى و زالت حزانـــو
و بطايـح الزهـر على كل لــــوان ***تسبي من راها بشوفت عيانـو
و الأرض زي حورية من رضوان ***معاها صاب السرور سلوانــــو
تحكي عريس و عروسة فالأوان ***لبست من ثوب الدباج ديجانـــو
صبحات بارزة بكساوي حســــان ***دام الله جمالها و حسانــــــــــو
<<>>
مهما نظرت بعيانــي **فكمال زينها و محاسنها **باح كل مكنون
طبعي من الصبا فانـي **وقت الربيع توجدني مابين **الأحراج مشطون
ننشي الفاظ و معاني **و اهل الهوى يعرفوني ماهر **من اصحاب الفنون

و اليوم هزني سلطان الغيوان ***و انطق سلطان الربيع بلسانو
دوا وقال لي عول يا انسان ***تقطف ورد رياضنا و سوسانو
شوف الرياض فاح و زهرت لغصان ***كل غصن يهجى بريحت فنانو
و طيار ناطقة فدواح البستان ***كل عشيق فشى سرار كتمانو
ونا علاش ما نزهى يا حسان ***يا من حبك فلصيار غيوانو
أنا فعار ذاك الخد المزيان ***خدرني من راحنا و كيسانو

مهما رشفت كيساني **من يد من هويت و قلت لها **هكذا المظنون
انت كمال سلواني **حتى تجي من عندك لبشارة **يا سراج العيون
بين الوتار و الغاني **و العود و الرباب و الدف **و كمانجة و قانون
<<>>
نزهاو في بساط العذرا **مابين الحراج و نبرا **في ساعة الرضا و السرور
و نشاهد الشقيق و جهرا **و الورد مير بين الخضرة **و القيقلان و الخابور
و نقول يا غزالي زهرة **مصاب في جمالك نظرة **و الكاس بالرحيق يدور
يهنا الساكن المضرور
ناسك يا الريم العذرا **سماوك الغزالة زهرة **و أنا يا صبيغت الضفرة
سميتك الغزال زهور