عمهم عضو جديد
عدد المساهمات : 2 تاريخ التسجيل : 10/04/2013
| موضوع: نعيط ليك الأحد أبريل 14, 2013 11:45 am | |
| نعيط ليك
نفتش فسراب السهو ننبش فنكاسة لبهو حيرة ملون غيار غير موكة عقوبة لطيار تعرش على صدري تنقب كمح لمحنة الفايضة مني هيبتي سور راشي مدلي ترابو كسدتي نواح مطرزة جراح ونعيط ليك واهي جدي لا تحافي ودي ساح فيا رشوق ما بعدو رشوق طلت الساكنني من بعد الهيم عيونها ظلام الليل سلامها غم وضيم صدقت كلام الغرام بعت هيبتي خسران وعيط ليك واهي جدي لا تحافي ودي محي مني جفايا الراكد فنعاسي المنسي تقت فزمان كان زمان علقت فيه حلامي وبنيت كركوبة من الخيال خيال ماليه خيال متني بين عنيا راكبني هبال شاربني خبال وعيط ليك واهي جدي لا تحافي ودي حالي فاقد الحال مجلي اروي مني الخاسرة اسدي سدى صبري اعلي برج المحنة الكاسرة فيا نعاسي ونبيت بين فرك الغيرة الوكلاني ونعيط لجدي واهي جدي لا تحافي ودي ابرد شوقي المدفون فعماقي كمد جرحي المفيق غواتي نود مني لغراب لكحل الطاير ف عجاج الحكرة المسلسلاني تبقى فيا اللومة اللابساني المحوط جفاني ليك نعيط واهي جدي لا تحافي ودي كيف ندير نبيض سوادي نفتل ليام الخاسرة فيا ونشد فريح لعشية المنسومة بضو الليل الباهت القاتل خيوط شمسي المنفية ونهيم فيك ياليل ونعيط ليك واهي جدي لا تحافي ودي ايامي تالفة مدلية سوالف عروسة هجالة ايامها هدالة لبست توب ماهو بتوبها عرتني من النية وخلاتني فظروف معمية نساتني فيا ونعيط ليك واهي جدي لا تحافي ودي يالمخلي سلهام الهيبة وسربة الخيل الحاركة الريح وهدون الحرير الفايض بالسر وليام الزينة المنسمة زهر المعكرة بريح التمر المسوكة بفلجة الصواب قتيبها خير مدلي وريقها دوى يداوي محنية بالصبر وناسها غدر ونعيط ليك واهي جدي لا تحافي ودي فك المشاكة المخبلة المفتولة بتراب وهيشر المدلية فيامنا المغطية سحاب الزمتة فك الشطبة الواحلة فسدايا المقلعة درة الصفا الحارقة السفا المزلع بين مراجي المحنة النعيط ليك واهي جدي كون بيدي نمحي سمايا نبني فيها بروج عاليا بروج لفراح وندبح الهم بسفايا ونعيط ليك فخفايا واهي جدي تقادة جهدي لا تحافي ودي
عبدالرشيد عمهم
| |
|
حسن لمرابط مشرف
عدد المساهمات : 135 تاريخ التسجيل : 19/10/2012
| موضوع: رد: نعيط ليك الأربعاء أبريل 17, 2013 9:23 am | |
| [size=18] ابرد شوقي المدفون فعماقي كمد جرحي المفيق غواتي نود مني لغراب لكحل الطاير ف عجاج الحكرة المسلسلاني تبقى فيا اللومة اللابساني المحوط جفاني ليك نعيط واهي جدي لا تحافي ودي[/size] ......... دقات ساحرة نابعة من خيال زجال متمكن تطوع الحروف بين يديه الف تحية استاد رشيد عمهم | |
|
عمهم عضو جديد
عدد المساهمات : 2 تاريخ التسجيل : 10/04/2013
| موضوع: رد: نعيط ليك الإثنين أبريل 22, 2013 3:53 pm | |
| شكرا اخي حسن على مرورك الكريم اتمنى لك التوفيق انشاء الله وشكرا مرة اخرى | |
|
المختار الافغيري Admin
عدد المساهمات : 1036 تاريخ التسجيل : 11/10/2012
| موضوع: رد: نعيط ليك الإثنين أبريل 22, 2013 4:01 pm | |
|
سعدت بتوقفي عند هدا المتن المتميز لشاعر متميز تحياتي استاد رشيد
| |
|
Admin Admin
عدد المساهمات : 107 تاريخ التسجيل : 11/10/2012
| موضوع: رد: نعيط ليك الثلاثاء أبريل 23, 2013 4:10 pm | |
| مميز جدا استمتعت بكلماته شكرا لك | |
|