HIND MGHARI مشرف
عدد المساهمات : 243 تاريخ التسجيل : 01/11/2012
| موضوع: حجاية حديدان الأربعاء أبريل 24, 2013 5:26 pm | |
| حجاية حديدان
كان يا مكان.. في قديم الزّمان. كانت واحد لمرى كبيرة ف العمر تعيش مع حفيدها الوحيد اسمو حديدان، ف واحد الدوار لحياة فيه هانية جنناتو خضار، وكانت هديك لمرى كتبغي حفيدها بلا قياس، تسعدو.. وترعاه.. و.. ف واحد الصباح.. اعطات لحديدان كاس من الحليب وشويا ديال الزبدة ورغيفةً كبيرةً خبزتها على الطجين. شاف حديدان ف الرّغيفة، قلب وجهو وقال اش هدا اجدّا؟ الرغايف الّلي تتديري مدورين وهدي خايبة مافيها ما يتشاف دفعها وناض فحالو اتحدرت الجدّة على الرّغيفة، وباستها. و قالت: - بعد تعبي وشقايا كنسمع منك هذ الكلمة؟ كنت نتسنى منك تشكرني، راني من صلاة الصبح وانا كنخبز فيه . بعد هد التّعب كلو تترمي النّعمة على الأرض؟ أف.. واش وقع ؟ -وقع ايه ما عرفتيش شحال كلفني هداك الرّغيف اللي رميته أنا نقدر نصاو رغيقة احسن من هديك وخا انا صغير. زكات الجدّة شوفتها مزيان ، وقالت أنا مقلقا منك ، وما نرضى باقي نطيب ليك صاوب خبزك بنفسك، يا الله وريني حداكتك وقف حديدان ومشا للكانون، المطلي لحموم، قال يا الكانون يا لحزين.. يا خبّاز العجين، أعطني رغيفة مدوَّراً، باش نوريها لجدّتي، وترضى علّيا الكانون حل فمو الكبير بدى تيضحكً، وقال كيفاش نعطيك الرّغيفة وأنا محتاج للحطب؟ ومنين نجيب الحطب؟ ساهله.. الحطب موجود في الجبل. طلع حديدان لجبل، وقف على رأسه، وقال بلغوات يا الجبل أعطني حزمة ديال لحطب. ضحك الجبل، و قال: كيفاش نعطيك الحطب وأنا محتاج فأس؟ فأس!! وفين نلقاه ؟ الفأس عند الحدّاد. هبط حديدان من الجبل، مشا عند الحدّاد، وقال ليه يا الحدّاد أعطيني فأس. وقف الحدّاد، مسح عرقو بقفا كفّو،و قال عندك شي فلوس؟ دخل حديدان ادّيه في جيبو، وأخرجها خاويا. لا.. ما عندي والو ماعندي فأس دمعات عينين حديدان، وتلفت راجع فحالو، عيط عليه الحدّاد اشنو قصّتك.. ولاش بغيتي الفأس؟ مسح حديدان دموعو جدّتي تقلقات منّي، ومغديش تتكلم معيا إلاَّ ما طيبت لها رغيفة مدورا، مشيت عند الكانون طلبت ليه الحطب، والحطب ف الجبل، والجبل بغا الفأس، والفأس كاينا عندك. تبسم الحدّاد، قرب من حديدان وقال ما دمتي باغي ترضي جدّتك، فأنا غدي نعطيك الفأس، لكن.. بشرط اش نو هو؟ تعاوني ف لمصاوبة ديالو وخا. شمّر حديدان على كتافو، شد لمطرقة،وبدا يطرق الحديد المحمّى، او ولا وجهو احمر. وملي كملو من مصاوبت الفأس، هزو حديدان فرحانً، بالجرا مشا الجبل، جمع حزمة ديال الحطب والفأس على ظهرو، ومشى عند الكانون. شعل العافية ، عجن العجينة عيا ما يصاوب الرغيفة ما بغات تتصاوب ليه، مرّة.. متقوبة، ومرّة.. معوجة، ومرات كثيرة محروقة، وقف حديدان مبغاتش تتصاوب ليه الرغيفة كان كيسحاب ليه ساهل.. كيف يدير باش ترضي عليه جداه ؟ بدا كيبكي وهو يحس ب واحد اليد تمسح على شعرو، التلفت.. لقا جداه، كتتبسم،و تقول كيظهر ليا تعلّمتي درس مفيدً، راني رضيت عليك، اجي عاوني،نصاوب ليك رغيفةً مدوَّرا بحال القمر. ومشات حجايتي مع الواد ورجعت انا مع الجواد[/[[/ size]/center]size]
| |
|
المختار الافغيري Admin
عدد المساهمات : 1036 تاريخ التسجيل : 11/10/2012
| موضوع: رد: حجاية حديدان الجمعة أبريل 26, 2013 4:33 pm | |
|
شكرا سيدتي لتناولك هده الشخصية الاسطورية للاشارة فهناك حجايات كتيرة لشخصية حديدان تحياتي
| |
|
HIND MGHARI مشرف
عدد المساهمات : 243 تاريخ التسجيل : 01/11/2012
| موضوع: رد: حجاية حديدان الأحد أغسطس 25, 2013 4:24 pm | |
| | |
|