منتدى ناس مراكش
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


ان الهدف من انشاء هذا المنتدى هو الحفاظ على الذاكرة الشعبية لمراكش و التعريف بمآثرها التاريخية و مثقفيها وأعلامها .
 
الرئيسيةبوابة جديدةأحدث الصورالتسجيلدخول

 

 حجاية الغول الطماع

اذهب الى الأسفل 
2 مشترك
كاتب الموضوعرسالة
HIND MGHARI
مشرف
HIND MGHARI


عدد المساهمات : 243
تاريخ التسجيل : 01/11/2012

حجاية الغول الطماع Empty
مُساهمةموضوع: حجاية الغول الطماع   حجاية الغول الطماع Icon_minitime1السبت فبراير 23, 2013 3:10 pm


كان حتى كان كان الحبق والسوسان كان الله فكل مكان
كانت واحد البنت كتسكن فواحد المكان خالي الا واحد المشة معاها فالدار فواحد النهار البنت كتشطب الدار وهي تلقا فوله وكالتها , وهي تقول ليها المشة اش كلتي ردات عليها البنت حبة من الفول قالت ليها المشة علاش مقسمتيها معايا ودبا غدي النبول ليك فالكانون باش نطفي ليك العافية , البنت ما دتهاش فكلام المشة وقالت مع راسها هدي بغات غير تهضر وصافي , لاكن ملي خمرات العجينة وبغات التطيب عالعافية القات الكانون طافي والليل بدا كيطيح خرجت كتقلب على العافية وهي يبان ليها واحد الضو بقات غاديه ليه حتى لقات شي حاجة عمرها ما خطرات ليها فالبال , انه مكان به غول موحش كانت كتسمع عليه فالحجيات لقديمة , غول يلبس جلد حمار ، ويجلس على رأس حمار ويطبخ في قدر كبير لحم حمار ويحرك القدر برجل حمار ، وهي تقول ليه السلام عليكم وهو يقول : وعليك السلام ، والله لوما كان كلامك سباق كلامي ، وسلامك سباق سلامي كون درت لحمك ف لقما ودمك ف جوغما ، آش بغيتي ؟ ردت البنت وهي تترعد من الخوف : بغيت شويا ديال العفية باش نطيب الخبز ديالي . أعطاها الغول شوية من العافية وقال لها : شدي ولا توريني وجهك مرة اخرى , شدات العافية وبغات ترجع فحالها جرح رجليها وسال دمها باش يتبع اترها .
رجعت البنت لدار ماتهنات منو الا نهار واحد والنهار الاخر جاك يدق فبابها وهو يقول : أبون يابابون آش جبرتي عمك الغول كيعمل ؟ اضطرت البنت باش تمدح الغول لايتقلق :جبرت عمي الغول لابس الكسوا د الحرير ، وكالس على الكرسي د الدهب ، وكيطيب اللحام د الغزال ، وكيحرك القدرا بالمطلع د الدهب .وخا قالت فيه لكلام الزين هرس الباب الأول من لبواب السبعة ومشىه ، وهكا دار بالبواب الخمس الأخرى ، وهو يبق قدامو باب واحد ويدخل يفترسها ,حست البنت بالخطر وهي ترسل لخوتها مع لحمامة رسالة كتقول ليهم راهي فخطار . وغير نزلت لحمامة في حجر كبير اخوتها وقرأ الرسالة حتى جمع اخوتو وقرروا الرجوع الدارهم ،وغير وصولو دارو واحد الحيلة للغول وبقاو كيتسناوه يجي وكل منهم رافد مكحلة فاديه وهو يجي الغول كيف العادة كيسولها اش القيتي عمك الغول كيدير هد المرة البنت جوباتو جواب قاسح وقالت داك الشي اللي شافتو كيدير هو مرضاش وهو يتلاح على الباب او زلق طاح على حقاش خوتها طلاو لمكان بالصابون وقبل ما ينوض طلقو عليه خوتها البارود من مكاحلهم وهكا تهنات البنت منو ولخوت تهناو على اختهم وجرات هي على المشة ,
ومشات حجايتي مع الواد وجيت انا مع الجواد
الى اللقاء فحجاية اخرى مع تحيات هند

الرجوع الى أعلى الصفحة اذهب الى الأسفل
Admin
Admin
Admin


عدد المساهمات : 107
تاريخ التسجيل : 11/10/2012

حجاية الغول الطماع Empty
مُساهمةموضوع: رد: حجاية الغول الطماع   حجاية الغول الطماع Icon_minitime1الثلاثاء فبراير 26, 2013 2:10 pm

تبارك الله على للا هند و حجايتها
الرجوع الى أعلى الصفحة اذهب الى الأسفل
https://nassmarrakech.yoo7.com
 
حجاية الغول الطماع
الرجوع الى أعلى الصفحة 
صفحة 1 من اصل 1
 مواضيع مماثلة
-
» حجاية حديدان
» حجاية جْـــرَادَة مَـــالْــحَــــــة
» حجاية لفهامة
» حجاية الگراب و الملك
» حجاية التفاح الحباري

صلاحيات هذا المنتدى:لاتستطيع الرد على المواضيع في هذا المنتدى
منتدى ناس مراكش :: الكلام المرصع :: محاجي زمان-
انتقل الى: