المختار الافغيري Admin
عدد المساهمات : 1036 تاريخ التسجيل : 11/10/2012
| موضوع: قهوة المصرف الأحد فبراير 17, 2013 3:04 pm | |
| قهوة المصرف
فينك يا يام زمان سرتي وكان ألي كان سبحان الدايم فدوام فينك يامراكش وناسك لقدام حجات كثيرة غابت بحال الملحة فلماء ذابت ف أيامنا هدي ماعادت افين افين افين أيامك يا قهوة المصرف دار الزمان وبيك عصف كان يزينك المصرف والدالية والتوتة كداك الزفزوفة الناس كَاعدة علحصاير هانية مرتاحة موزعين بينهم البسمة والشوفة وكلمة العيب بينهم محذوفة يجمعوا بالهمة والرجولة فلقياس كانوا فحولة أعيان وأمناء وصنايعية معروفة الراديو كبير يجيبا لخبار اللي تصير لمكينا ديال لغنا وبوقها معلق ينشد ويشدي الحان الشرق ازوزوة على النار تطيب واللي طلب شي وسال عليه يصيب القهوة متنوعة بشكل عجيب قهوة مطفية والعادية واللي عشقها ب السمن والناقصة حلاوة اتاي مغلي ولا خوخي الناس ف عشقها ماتتساوة القهوجي رزين معلم علا تشميروا محزم الرفادة ف اديه دايره كيسان يفرق ع الكَاعدين بحكام الكل زاهي نشوان بجلوسو ف لمكان نسيم لعراصي يهب عليهم ويسلم بسلام الورد والزهر الياسمين اوقيقلان عطرهم فايح يجوب يسعد لخواطر ويفاجي لكَلوب هدي هدية للي معاش ف يامها و ما تمتع بيها ما عرف كَلت ننبش فيها ونوصف هدي هي قهوة المصرف
المختار الافغيري تحياتي | |
|
HIND MGHARI مشرف
عدد المساهمات : 243 تاريخ التسجيل : 01/11/2012
| موضوع: رد: قهوة المصرف الإثنين فبراير 18, 2013 2:49 pm | |
| سلمت اخي على هده التحفة الجميلة التي توتق لداكرة مراكش بطريقة زجلية وسردية تحياتي | |
|
المختار الافغيري Admin
عدد المساهمات : 1036 تاريخ التسجيل : 11/10/2012
| موضوع: رد: قهوة المصرف الثلاثاء يوليو 23, 2013 7:47 pm | |
| | |
|